Umhugsa at fáa fosturforeldur við í lógina

Samsýning, sum forsturforeldur fáa, er ikki við í lógini, sum javnar almannaveitingar. Lógin kom í gildi 1. januar í ár.

Men í Almannamálaráðnum verður umhugsað at fáa fosturforeldrini við í lógina, sigur Elsebeth Mercedis Gunnleygsdóttir, landsstýriskvinna.

Hon hevur svarað Akseli V. Johannesen, løgtingsmanni, sum spurdi um samsýningina til fosturforeldur. 

Kunnu fáa sjey ferðir meira

Fosturforeldur fáa 120,06 kr. um samdøgrið. Men tey kunnu fáa sjey ferðir tað fyri pinkubørn og óvanliga trupul børn. 

Afturat samsýningini verða løgd gjald til Arbeiðsloysisskipanina, gjald til Barsilsgrunnin, gjald til Arbeiðsmarknaðareftirlønargrunnin, Samhaldsfasta, og bundna eftirlønargjaldið.

Í 2009 var samsýningin til fosturforeldur fyri hvørt barnið 112,52 kr. um samdøgrið.