Eingin stjórnarskipan í hesum valskeiðnum

Eingin stjórnarskipan verður gjørd í Føroyum í hesum valskeiðinum.

Tað hevur Mette Frederiksen, forsætisráðharri, fingið at vita i Løgmansskrivstovuni.

Hon hevur svarað einum spurningi frá Bertel Haarder, fólkatingsmanni og limi í Føroyanevndini hjá fólkatinginum.

Tað stendur ikki í samgonguskjalinum hjá flokkunum í landsstýrinum, at arbeiðið við at gera eina stjórnarskipan verður tikið uppaftur, fekk forsætismálaráðharrin at vita úr Tinganesi.