Fýra arkitektavirki sleppa at bjóða

Nýggj útstykking skal gerast í Hoyvík, eystan fyri Dalin langa.

Útstykkingin eitur Stórabrekka.

Tórshavnar kommmuna hevur biðið fýra arkitektavirki um tilboð uppá projektering, útbjóðing og projektuppfylging sum heildarráðgeving í sambandi við Stórubrekku. 

Arkitektarnir eru Arkitektar 99, Kontrast, SNA Arkitektar og BRIM Arkitektar. Teir hava fingið freist til 17.apríl. 

Byrja næsta ár

Arbeiðið at stykkja út skal byrja í februar næsta ár. Har verður pláss fyri okkurt um 100 bústøðum.

Útstykkingin verður skipað sum raðhúsabygging, har grund og eldverjuveggir fyrst verða gjørdir, sum einstøku keypararnir síðani seta sín dám á, eins og í býlingunum Millum Gilja og Inni á Gøtu. 

Økið er 55.000 fermetrar. Tað er í 100 metra hædd, so útsýnið er gott.