Ben Arabo nevndarformaður í BankNordik

27.03.2020 - 08:59
AktueltSamfelag
Ben Arabo nevndarformaður í BankNordik
John Henrik Holm er nú næstformaður
 

Ben Arabo er nú nevndarformaður í BankNordik.

Hann varð valdur í nevndina á aðalfundinum í gjár, og eftir aðalfundin skipaði nevndin seg. 

Ben Arabo er formaður, og John Henrik Holm er næstformaður. Barbara Pállsdóttir Vang var næstforkvinna.

Hini í nevndini, umframt formannin og næstformannin, eru Hans Arni Bjarnason Thomsen, sum er nývaldur, Barbara P. Vang, Jógvan Jespersen, Gunnar Nielsen, starvsfólkini hava valt Kenneth M. Samuelsen og Dan Rasmussen, og Alexandur Johansen umboðar samtakið í nevndini.

Danin, Kim Jacobsen, var í nevndini, men uppskot var ikki um at velja hann aftur.

Ben Arabo hevur verið stjóri í Betri-samtakinum.

Stine Bosse, sum hevur verið forkvinna í nevndini seinastu fimm árini, boðaði frá, at hon tók ikki við afturvali.

Aðalfundurin í gjár samtykti ikki at lata vinningsbýti fyri 2019. Annars var ætlanin at lata partaeigarunum 67,2 mió. kr. í vinningsbýti.

 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292