Vænta nakrar avreiðingar í vikuni

Vænta nakrar avreiðingar í vikuni
Eisini á Fiskamarknaðinum er óvissan stór, nú koronasjúkan herjar
Onkuntíð hava telefonirnar á Fiskamarknaðinum gingið heitari, enn tær gera í løtuni
 
30.03.2020 - 11:46

Fiskamarknaðurin væntar nakrar avreiðingar í hesari vikuni, hóast óvissan er stór í fiskivinnuni í sambandi við koronasjúkuna.

Fiskamarknaðurin segði í gjár, at bara trý línuskip eru úti. Tey fiska tosk, hýsu og longu, og koma inn síðst í vikuni.

Sera ivasamt er, nær skipini fara útaftur. Øll frystilínuskipini eru úti. 

Góður streymur

Um útróðurin sigur Fiskamarknaðurin, at streymurin er góður, men veðrið og korona gera, at ikki verður so nógvur útróður.

Trý garnaskip fiska svartkalva. Fiskiskapurin er heldur frægari nú. Eitt garnaskip kemur inn í dag, og hini bæði koma seinni í vikuni.

Um skip og bátar, sum royna við troli, sigur Fiskamarknaðurin, at ein djúpvatnstrolari er úti.

Hann fiskar millum annað stinglaks og avreiðir fyrst í vikuni.

Partrolarar brúkiligt fiskarí

Partrolararnir eru teir flestu úti. Fiskaríið er brúkiligt, sigur Fiskamarknaðurin. Teir avreiða sum vikan líður.

Tveir trolbátar fiska norðanfyri. Báðir fiska tosk og so nakað av hýsu, upsa og flatfiski. Báðir landa fyrst í vikuni.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565