Koronakreppan fer illa við danska búskapinum

Tað er óvanligt, at metingin hjá Tjóðbankanum er so óviss, skrivar danska kringvarpið DR.

Óvissan er somikið stór, at Tjóðbankin hevur útsett forsøgnina um danska búskapin, sum bankin vanliga kemur við í mars. Tað er heilt enfalt tí háttirnir, sum búskaparfrøðingarnir vanliga brúka til at gera forsøgnirnar, ikki kunnu brúkast í løtuni.

Fyri einum hálvum ári síðani metti Tjóðbankin, at vøksturin í búskapinum fór at vera 1,5 prosent, skrivar dr.dk.

- Í Danmark hava vit eitt gott útgangsstøði fyri at fáa búskapin í gongd aftur, tá koronakreppan hæsar av, og tiltøkini at tálma smittuni verða strikað.

- Men tað verður hart, til vit koma hagar, og hjálparpakkarnir, sum stjórnin hevur samtykt hjálpa her og nú, sigur stjórin í Tjóðbankanum, Lars Rohde, sambært DR.