Góð 3500 fólk í ískoytisskipanini hjá ALS

3.504 fólk eru nú skrásett í serligu lønarískoytisskipanini hjá ALS.

Og tað er rættiliga javnt býtt millum kynini. 

1.753 kvinnur og 1.751 menn eru í skipanini. 

Flest fólk eru skrásett í Suðurstreymi. Har fáa 1.597 lønarískoyti. 

Harnæst kemur Eysturoyggin, har 735 fólk fáa ískoyti, og Norðoyggjar, har 400 fólk eru skrásett. 

Lægsta talið av skrásetingum er í Sandoynni, har 47 fólk fáa lønarískoyti.

Talið av arbeiðsleysum er eisini vaksið nakað síðstu vikurnar. 

Í farna mánað vóru 276 móttakarar av arbeiðsloysisstuðli, men tað talið er nú 343.