Skulu hava eftirlit við uppsjóvarskipum

Føroyar, ES og Noreg hava gjørt semju um eftirlit við uppsjóvarfiskiskapi í landnyrðingspartinum av Atlantshavi.

Semjan er um eftirlit við skipum, sum fiska svartkjaft, norðhavssild, makrel og rossamakrel.

Ísland og Grønland vóru við í samráðingunum, men eru ikki við í semjuni.

Samráðingar millum strandarlondini eru aftur í London í heyst.

Har er ætlanin at gera eina varandi semju um eftirlitið í Landnyrðings-atlantshavi frá 2021.