Uppskotið um at skatta vinning er liðugt

Samgongutinglimir sleppa í dag at síggja uppskotið hjá landsstýrinum fyri hvussu vinningur av fiskiloyvum skal skattast. Landsstýrið er liðugt við uppskotið,  og tað verður lagt fram á samgongufundi í dag.

Uppskotið var ein fortreyt fyri, at lógin um sjófeingi bleiv samtykt fyri jól. Men nú røkist fyri, at uppskotið verður klárt. 

Sambært Bárði á Steig Nielsen, løgmanni, er landsstýrið samt um uppskotið, og er ætlanin at leggja tað fram, áðrenn løgtingið fer í summarfrí.

Lógin skal tryggja, at landskassin fær ein part av vinninginum, tá veiðirættindi verða seld, men løgmaður vil ikki at upplýsa, hvussu lógaruppskotið er sett saman, ella hvussu seld veiðirættindi skulu skattast.