Agnar Nielsen farin

Agnar Nielsen, fyrrverandi løgtingsmaður og løgtingsformaður, er deyður, 91 ára gamal.

Agnar Nielsen úr Vestmanna var millum mongu nýggju tingfólkini, sum vórðu vald fyrstu ferð á løgtingsvalinum í 1970.

Hann varð valdur fyri Sambandsflokkin í Norðstreymoy, og sat á tingi til 1990, tá hann gavst í politikki.

Í tveimum umførum var Agnar Nielsen eisini løgtingsformaður, frá 1978 til 1979, og aftur frá 1989 til 1990. 

Í 10 ár umboðaði hann løgtingið í Norðurlandaráðnum. 

Agnar Nielsen var útbúgvin skipstimburmaður, og hann arbeiddi eisini sum kavari. 

Agnar Nielsen var stjóri á Vestmanna skipasmiðju frá 1972 til 1981.