Menna útbúgvingartilboð til útlendingar

Uppskot er gjørt um námsætlan í sambandi við verkætlanina at menna útbúgvingartilboðið í føroyskum til útlendingar í Føroyum.

Uppskotið er á heimasíðuni hjá Uttanríkis- og mentamálaráðnum, ummr.fo, til hoyringar.

Hoyringarfreistin er 1.juni.

Tríggjar útbúgvingar

Sambært námsætlanini er talan um tríggjar útbúgvingar og seks førleikastig.

Frálæruskipanin í føroyskum fyri útlendingar byggir á altjóða viðurkenda CEFR-skipanina, sum er ein felags evropisk skipan fyri tey, sum vilja læra nýtt mál sum annaðmál. 

Endamálið er ikki bara at læra útlendingar føroyskt, men eisini geva teimum innlit í føroyska mentan og samfelagsviðurskifti.