Nevndin skal taka støðu til uppsagnarløn

Atlantsflog boðaði í gjár frá, at 90 fólk í felagnum verða søgd úr starvi.

Frammanundan er 180 av teimum 240 starvsfólkunum hjá felagnum í serskipanini hjá ALS.

Tað setir tí spurningin, um hesi fólkini fáa uppsagnarløn úr serkipanini hjá ALS, ella um Atlandsflog skal bera fulla kostnaðin av uppsagnarlønunum.

- Hetta er ein spurningur til nevndina, sigur Jóhanna á Bergi, stjóri hjá Atlantsflogi.

Sum er, kann serskipanin hjá ALS bera part av uppsagnarlønini.

Mistak

Helgi Abrahamsen, landsstýrismaður í vinnumálum, hevur áður viðgingið, at tað var eitt mistak, at ALS eisini rindar uppsagnarlønina hjá fólki í uppsagnartíðini, og sostatt ger tað bíligari hjá fyritøkum at siga fólk úr starvi.

Landsstýrið sigur, at hetta verður tó ikki broytt.

Jóhanna á Bergi sigur, at møguleikin er at brúka skipanina, men hetta er ein prinsipiellur spurningur, og tað fer nevndin hjá Atlandsflogi at viðgerða síðst í hesum mánaðinum.