- Tíðindi, mentan og ítróttur
Eingin koronusmitta í eina viku
![](https://kvf.fo/sites/default/files/styles/grein-ovasta-mynd/public/sjukraroktarfrodingar_covid-19_poding-43.jpg?itok=R1MhR0Wl)
Í dag er ein vika síðani, at koronusmittan hvarv í Føroyum, sambært tølum frá myndugleikunum.
187 blivu smittað, og 8.mai, - altso fríggjadagin í síðstu viku, vóru 187 staðfest at vera frísk aftur.
Fyrsta smittan varð staðfest í Hoyvík tann 3.mars.Tá varð staðfest, at ein maður, sum hevði verið á ráðstevnu í París, var smittaður við Covid-19.
Seinast, smittan varð staðfest í Føroyum, var 22.apríl. Tað vóru tvey fólk, sum komu til Føroya við flogfari.
16.mars var ringasti koronudagurin í Føroyum. Tá vórðu staðfestir 19 tilburðir.
8.710 kannað
Í gjár var talið fyri kannað 8.710. Meirilutin, 53 prosent, av teimum smittaðu vóru kvinnur. Tey flestu smittaðu, 43, eru í aldursbólkinum 20 til 29 ár.
11 smábørn voru smittað og í aldursbólkinum 10 til 19 ár vóru 21 smittað.
Tey flestu smittaðu, 95, vóru í Suðurstreymi.