- Tíðindi, mentan og ítróttur
Heri á Rógvi formaður í Búskaparráðnum
![](https://kvf.fo/sites/default/files/styles/grein-ovasta-mynd/public/buskaparradid.jpg?itok=5lLqvS5H)
Heri á Rógvi, búskaparfrøðingur, er nú formaður í Búskaparráðnum. Hann bleiv valdur í Búskaparráðið fyri Djóna Højgaard, sum er farin úr ráðnum, tí hann arbeiðir nú í Fíggjarmálaráðnum.
Djóni Højgaard var formaður í ráðnum.
Ráðið skipaði seg mikudagin, og Heri á Rógvi er formaður.
Fróðskaparsetrið innstillar fólk í Búskaparráðið. Sama innstilling varð brúkt nú, sum tá Djóni Højgaard varð valdur í ráðið.
Landsstýrismaðurin mannar ráðið
Heri á Rógvi er við í teirri innstillingini. Landsstýrismaðurin í fíggjarmálum setur fólk í Búskaparráðið.
Hini í Búskaparráðnum eru Ester Hansen og Sigurd Poulsen.
Hetta er aðru ferð í hesum fýra ára skeiðinum hjá Búskaparráðnum, at ráðið skiftir formann.
Sverri Hansen fór frá sum formaður og úr ráðnum í oktober 2018. Búskaparráðið, sum er nú, situr til 31.desember 2020.