Matstovur fáa avsláttur frá Rúsuni

Matstovur fáa avsláttur frá Rúsuni
Meirilutin í Vinnunevndini heldur ikki, at tað er neyðugt at broyta rúsdrekkalógina
Meirilutin í Vinnunevndini sigur, at rsdrekkalógin forðar ikki matstovum í at keypa tað vín, teimum lystir, og at samráðast um prís
 
03.06.2020 - 10:56

Rúsdrekkalógin forðar ikki matstovum í at keypa tað vín, teimum lystir, og samráðast um prísin við tey, sum selja teimum vínið.

Harafturat fáa matstovurnar avsláttur hjá Rúsuni, tá tær keypa borðvín har.

Tí er ikki neyðugt at broyta rúsdrekkalógina soleiðis, sum Framsókn mælir til.

Tað sigur meirilutin í Vinnunevndini, samgongumenninir Johan Dahl, Beinir Johannesen, Jákup Mikkelsen og Henrik Old í Javnaðarflokkinum.

Framsókn vil hava lógina broytta, so lættari verður hjá matstovum og ferðavinnuni at keypa vín. 

Mæla til kanning

Meirilutin mælir tó til at kanna, um rúsdrekkalógin skal dagførast. 

Minnilutin, Bjørt Samuelsen í Tjóðveldi og Bjarni Hammer í Javnaðarflokkinum, mælir eisini frá at samtykkja uppskotið hjá Framsókn. Tey siga tó eisini, at tíðin er komin at eftirmeta og dagføra rúsdrekkalógina.

Bjarni Kárason Petersen í Framsókn mælir til at samtykkja uppskotið hjá Framsókn.

Hann sigur, at tað verður smidligari hjá vinnuni, um hon sjálv kann standa fyri innflutninginum. 
 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858