Skeinkistøð vilja hava endurgjald

Skeinkistøðini eiga at fáa fult endurgjald fyri mistar inntøkur, um tey noyðast at lata aftur fyrr enn tey plaga.

Tað siga umboð fyri nøkur skeinkistøð í Havn í hoyringarskrivi um ætlaðu broytingina í matstovulógini.

Broytingin ger, verður hon samtykt, at landsstýrismaðurin kann gera av, nær skeinkistøð lata upp og aftur og, hvussu nógv fólk kunnu vera inn.

Skipanin ov leingi í gildi

Sambært broytingaruppskotinum skal henda heimild vera galdandi til 31.mars næsta ár.

Tað halda skeinkistøðini vera alt av leingi. 

Kemur broytingin, skal hon fara úr gildi aftur 31.august í ár.