– Londini mugu finna saman í stríðnum móti koronu

Aðalskrivarin í heimsheilsustovninum, WHO, Tedros Adhanom Ghebreyesus, biður í inniligari áheitan heimin um at finna saman í stríðnum móti koronuvirusinum. 

Sambært lærda háskúlanum, Johns Hopkins University, vísir yvirlitið, at meira enn 12 milliónir eru smittað higartil, og 550.000 eru deyð av smittuni.

USA ringast rakt

USA, sum mikudagin formliga boðaði frá, at landið fer úr WHO, er ringast rakt við meira enn trimum milliónum smittaðum og meira enn 132.000 deyðum.

Amerikanski forsetin, Donald Trump, hevur leingi funnist at háttinum, sum heimsheilsustovnurin handfer farsóttina á, og hann leggur WHO undir at vera undir leiðslu av kinesarum.

Á tíðindafundi í gjár segði Tedros Ghebreyesus við grátirødd, at virusið er ikki størsti vandin í sambandi við koronufarsóttina. Tað er vantandi leiðsla og samanhald á alheimsstigi, sum er vandin, segði hann.