Løgreglan harmast: Nógv ung og ávirka fólk í býnum

Tey ungu eru ofta ávirkaði, og summi teirra eru ávirkaði av øðrum enn alkoholi, sigur vakthavandi á politistøðini.

Løgreglan hevur havt tvey mál um vikuskiftið.

Í tveimum førum hevur løgreglan verið noydd at senda boð eftir foreldrum hjá ungum fólki.

Í báðum førunum hevur løgreglan skrivað eina sokallaða sosialrapport, sum er latin Barnaverndini.

Tí heitir løgreglan á foreldur, ella tey, sum varða av børnum og ungum, um at fylgja við, hvat tey ungu fáast við.