- Tíðindi, mentan og ítróttur
Í hernað móti happing í skúlanum
Í hernað móti happing í skúlanum
Ein kanning vísir, at 11 prosent av næmingunum í fólkaskúlanum kenna seg happaðar
Peningur verður settur av til tess at minka happingina í fólkaskúlanum. (Tilvildarlig mynd)
30.07.2020 - 09:34
Nú verður farið í hernað móti happingini í fólkaskúlanum.
Í ískoytinum til røðuna hjá løgmanni í gjár stendur, at landsstýrið hevur sett av pengar til átøk, sum skulu minka happingina og økja trivnaðin í fólkaskúlunum.
Ein trivnaðarkanning, sum varð gjørd í fjør, vísti, at 11 prosent av næmingunum í fólkaskúlanum kenna seg happaðar. Tað er nakað minni enn í 2007, tá fyrsta slíka kanningin varð gjørd.
Trivnaðarvegleiðari
Ætlanin er millum annað at seta trivnaðarvegleiðari fulla tíð á Námi, gera trivnaðarkanningar hvørt ár, hava anti-happingardag hvørt ár, og skúlar kunnu søkja um eyka tímar til at gera kanningar ella onnur átøk.
Endamálið er ein nullhugsjón, tá ræður um happing í fólkaskúlanum.
Er kopiera
Nýggjastu sendingar í ÚV
Nýggjastu sendingar í SV
