Fimm tilburðir staðfestir aftrat

Fimm tilburðir av koronu aftrat eru staðfestir, nú nærum allar royndirnar, sum vórðu tiknar um vikuskiftið, og nakrar, sum vórðu tiknar í gjár, eru greinaðar. 

Tað vísa nýggjastu hagtølini á korona.fo. Fýra av teimum fimm tilburðunum vórðu staðfestir sunnudagin og ein í gjár.

Sostatt er samlaða talið av smittaðum í løtuni 93. Tilsamans hava 318 persónar fingið staðfest smittuna í Føroyum síðani í vár. 

Enn mangla myndugleikarnir at greina 482 kanningar frá sunnudegnum og fleiri enn 1.000 kanningar, sum vórðu tiknar í gjár. Fleiri enn 1.000 fólk eru í løtuni í sóttarhaldi.