Gera koronukanningar til 1. november

Ætlanin er at gera koronukanningar í hálvan triðja mánað afturat, til 1.november.

Tað sæst í uppskotinum um eykajáttanarlóg, sum kom í løgtingið fyrrapartin.

Biðið er um pengar til kanningar til 1.november.

Ferðafólk skulu kannast fyri 13,5 mió. kr.

3.000 ferðafólk um vikuna

Til 1.september er roknað við 5.000 ferðafólkum um vikuna. Í september og oktober er ferðafólkatalið sett til 3.000 um vikuna.

Higartil eru játtaðar tíggju milliónir krónur til hetta endamálið.
 
Á Landssjúkrahúsinum er roknað við 100 kanningum um tíman. Átta fólk skulu gera tær.

Í Klaksvík fara tveir sjúkrarøktarfrøðingar at gera kanningar fýra tímar um dagin allar yrkadagar, eisini leygardagar.

Í Suðuroynni verður kannað yrkadagar. Har fara eisini tveir sjúkrarøktarfrøðingar at standa fyri arbeiðinum, tríggjar dagar um vikuna.