Hagstovan: 523 arbeiðsleys í mai

bannari
Hagstovan: 523 arbeiðsleys í mai
Arbeiðsloysið er vaksið, síðani korona varð staðfest í mai
Arbeiðsleys eru fólk millum 16 og 66 ár, sum eru skrásett at vera arbeiðsleys hjá ALS ella hjá Almannaverkinum
 
13.08.2020 - 09:49

Síðani korona kom til Føroya, er arbeiðsloysið vaksið so líðandi.

Men nýggjastu tølini, sum Hagstovan kunnger í dag, eru tó frá mai.

Í mai var arbeiðsloysið 1,8 prosent. Tá vóru 523 arbeiðsleys í Føroyum.

Í februar, áðrenn korona kom til Føroya, var arbeiðsloysið 1,2 prosent. Í mars fór tað upp í 1,4 og í apríl upp í 1,7 prosent.

Flest arbeiðsleys í Suðuroynni

Nógv størsta arbeiðsloysið í mai var í Suðuroynni, 6,3 prosent. Tað minsta var í Eysturoynni, 0,8 prosent. 

Arbeiðsleys eru fólk millum 16 og 66 ár, sum eru skrásett at vera arbeiðsleys hjá ALS ella hjá Almannaverkinum.

Í dag eru 419 arbeiðsleys hjá Als. Tey vóru 443 í síðsta mánað.


 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652