Politistøðin verður nógv seinkað

Politiið í Føroyum skuldi flyta inn í nýggju politistøðina í Havn tann 1.august.

Men tað bleiv av ongum, tí støðin er ikki liðug enn, verri enn so.

Ætlanin var so, at politistøðin skuldi vera klár at flyta í tann 1.desember. Men tað verður hon heldur ikki, sigur Michael Boolsen, fúti.

í vetur ella næsta vár

Hann sigur, at flutt verður seint í vetur ella tíðliga næsta vár. Orsøkin til seinkingina er, at torført er at fáa handverkarar í hesum koronutíðum.

Ein ætlan er gjørd um arbeiðið, sum er eftir at gera. 

Hon verður løgd fyri umboð fyri Bygningsstyrelsen, sum er byggiharri, ríkispolitiið og politiið í Føroyum í næstu viku.

3.175 fermetrar

Bygningsstyrelsen hevur sáttmála við danska byggifelagið Ommen & Møller um at umbyggja og gera eina hædd afturat á gamla BankNordik-bygningin við Húsagøtu í Havn.

Politistøðin verður 3.175 fermetrar. 2.200 fermetrar eru skrivstovur.

Føroysku feløgini Articon, LM Electric og RenoVent eru við í arbeiðinum sum undirveitarar.