Eldraøki lata upp aftur í dag

Eldraøkini lata upp aftur í dag, nú tamarhald tykist vera á koronusmittuni í Føroyum.

Tað merkir, at búfólk á eldra- og røktarheimum aftur kunnu fáa vitjan.

Tó verða framvegis nakrar avmarkingar.

Tvey sleppa at vitja í senn

Fyrstu vikuna verður bert loyvt tveimum avvarðandi hjá hvørjum búfólki at vitja.

Minkar smittan enn meira, verður loyvt upp til seks fólkum at vitja hvørja búeind, og tann skipanin kemur í gildi í næstu viku.

Corona.fo skrivar, at eldraøkini heita á tey vitjandi, um at lata seg kanna fyri koronu við jøvnum millumbili, eisini áðrenn tey koma at vitja aftur fyrstu ferð.