109 fólk hava koronusmittu

Nú eru 109 fólk smittað av koronu í Føroyum, upplýsir landslæknin.

Ein tilburður varð staðfestur aftrat í gjár. Tá vórðu 1700 kanningar gjørdar.

Síðani smittan fyrstu ferð varð staðfest í Føroyum í vár, hava 383 tilburðir verið. 274 fólk eru vorðin frísk aftur, og í løtuni hava 109 smittuna.

Trý fólk liggja á sjúkrahúsi við koronu, eitt liggur á intensivu deild.

Tilsamans eru gjørdar 80.312 kanningar.