Nýggjur sáttmáli við Thetis og Smyril Line

Heilsumálaráðið hevur gjørt avtalu við smápartafelagið Thetis um at kanna fólk, sum koma til Føroya, fyri Covid-19, hetta til 31. oktober.

Thetis skal kanna øll, sum kom við flogfari, ferðamannaskipi ella stuttleikabáti.

Hetta verður gjørt eftir delegasjón frá Páli Weihe, yvirlækna á Deildini fyri arbeiðs- og almannaheilsu.

Heilsumálaráðið hevur eisini skrivað undir sáttmála við Smyril Line um at kanna øll ferðafólk við Norrønu fyri Covid-19 til 31. oktober.

Farsóttarnevndin hevur álagt øllum, sum koma til landið, um at lata seg kanna fyri koronu, og løgtingið hevur játtað pening til endamálið.

Farsóttarnevndin mælir eisini staðiliga til, at ferðafólk lata seg kanna sætta dagin eftir, at tey eru komin til landið. Henda kanning er ókeypis á kanningarstøðunum hjá sjúkrahúsverkinum.