Mvg skal vera við í prísinum

Tá fólk fáa at vita, hvussu nógv okkurt kostar, skal meirvirðisgjaldið vera við í prísinum.

Tað sigur Brúkaraumboðið, sum hevur mint skeiðsfyritøkuna Synergi á, at fyritøkan skal upplýsa endaliga prísin, bæði í lýsingum og á heimasíðuni.

Tann endaligi prísurin er prísurin við meirvirðisgjaldi.

Fullfíggjaður prísur

- Fólk skulu síggja fullfíggjaðan prís, endaligan prís, fyrstu ferð, tey síggja prísin, sigur Rannvá Signhild Ragnarsdóttir, stjóri í Brúkaraumboðnum.

Umframt meirvirðisgjald skulu møgulig ómaksgjøld eisini upplýsast í fyrsta prísinum, sum fólk sær.

Brúkaraumboðið staðfestir, at Synergi alt fyri eitt broytti prísirnar hjá sær, og ger tí ikki meira við málið.