Óvist um dysturin verður spældur

Enn er óvist, um nakar dystur verður í kvøld millum KÍ og Slovan Bratislava.

Slovan Bratislava sendi eitt nýtt lið til Føroya í gjár, eftir at ein í upprunaliga hópinum hjá felagnum fekk staðfest koronu, tá liðið kom til Føroya.

Ætlanin var, at nýggja liðið, sum kom í Vágar um middagsleitið í gjár, skuldi venja í Klaksvík í gjárkvøldið, men liðið møtti ikki.

Farsóttarnevndin hevur verið á fundi í gjár og aftur í morgun um dystin.

Formaðurin í farsóttarnevndini, Michael Boolsen, segði við Kringvarpið fyri løtu síðani, at ein fráboðan kemur á middegi.