Seyðasýningin verður fyrst í november

Í ár verður landsseyðasýningin frá 4. til 8. november.

Útvald sýnsfólk hjá Búnaðarstovuni sýna seyðirnar, og nummar 1, 2 og 3 verða kosnir í hvørjum bólki - tað vil siga veðragjólingar, veturgamlir veðrar og eldri veðrar.

Seyðurin verður sýnaður eftir einum stiga, frá 0 - 10, fyri ávikavist bein framman, bein aftan, horn, ull og heildarmynd. 

Fyri at vera við í landsseyðasýningini skal seyðurin vera frískur, og tað skal vera staðfest við ílegukanning, at hann hevur mótstøðuføri móti ridluskriða.

Góðkendur á lokalari seyðasýning 

Seyðurin skal eisini vera góðkendur á lokalari seyðasýning í einum av sýnsøkjunum, sum Búnaðarstovan hevur ásett, stendur m.a. í reglugerðini fyri landsseyðasýningina.

Seyðurin skal meldast til landsseyðasýningina á Búnaðastovuni mánadagin 2. november. Tað er ókeypis av vera við.

Endaliga úrslitið av landsseyðasýningini verður kunngjørt fríggjakvøldið, 13. november.