Ferðafólkatalið minkað niður í helvt

Ferðafólkatalið á flogvøllinum í Vágum er meira enn helvtina minni higartil í ár enn tað var í fjør.

Til 1.september í ár vóru ferðafólkini 129.683, 57 prosent færri enn í fjør, tá tey vóru 301.604. Tey vóru tá 12,6 prosent fleiri enn í 2018.

Í august fóru 25.152 ferðafólk um flogvøllin í Vágum, antin við flogfari ella við tyrlu.

Tað eru 51,4 prosent færri enn í august í fjør, tá ferðafólkini vóru 51.717.

Onnur korunubylgja hevur ávirkað flogferðsluna nakað, tí fleiri ferðafólk vóru í juli.