Jenis av Rana hittir danska verjumálaráðharran

Enn er óvist, um upplýsingar um føroyingar eru millum teirra, sum fregnartænastan hjá donskum verjuni, FE, hevur givið amerikonsku fregnartænastuni NSA.

Páll H. Vesturbú, stjóri í Neti, sum rekur fjarskiftisnetið í Føroyum, sigur, at FE eigur ikki at hava atgongd til føroyska netið, tí føroyska netið og danska netið eru hvørt sítt.

Bárður á Steig Nielsen, løgmaður, sigur, at hann hevur biðið landsstýrismannin í uttanríkismálum kanna málið.

Jenis av Rana skal hitta Trine Bramsen, verjumálaráðharra, í Keypmannahavn í dag.  

FE hevur givið NSA atgongd til ein kaðal, so NSA kann taka eina rúgvu av rádátum niður við talgildum samskifti hjá donskum statsborgarum. Samskiftið umfatar millum annað telefonsamrøður, teldupostar, sms-boð og kjatt.

Hetta er komið fram í eini kanning hjá TET, sum hevur eftirlit við fregnartænastunum, hevur gjørt.