Leggja rottueitur í Sandoyartunnilin

Leggja rottueitur í Sandoyartunnilin
Eingin rotta er í 11 oyggjum í Føroyum, teirra millum Sandoynni
Eitur og fellur verða løgd í Sandoyartunnilin, so Sandoyggin kann verjast fyri rottu
 
09.09.2020 - 09:36

Tá Sandoyartunnilin er liðugur, skulu rottueitur og fellur vera í tunlinum, tí eingin rotta er í Sandoynni.

Tað sigur Umhvørvisstovan, sum minnir á, at freistin at bíleggja rottueitur og útgerð at týna rottu við er úti í morgin.

Fyri summarfrítíðina fingu allar kommunur bíleggingarseðil frá Umhvørvisstovuni, har tær kunnu bíleggja útgerð og rottueitur. 

Umhvørvisstovan hevur ikki frætt frá øllum kommunum enn, sigur hon.

Kommunurnar hava ábyrgdina av rottutýningini í Føroyum.

Eiga at hava eitur og útgerð tøk

Men bara Umhvørvisstovan hevur loyvi til at innflyta og útflýggja kommunum útgerð at týna rottu við og rottueitur.

Eisini kommunur í rottufríum oyggjum eiga at hava eitur og útgerð tøk.

Stovnar og feløg, sum sigla ella flúgva til rottufríar oyggjar, skulu hava eftirlit við, um rotta er umborð. 

Har tað er gjørligt skulu rottufellur og rottueitur altíð vera umborð á hesum flutningsførum, sigur Umhvørvisstovan.

Rotta er ikki staðfest í 11 oyggjum í Føroyum.  

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858