Træta um Tekniska skúla í Klaksvík fyri gerðarrætt

Ein gerðarrættur skal gera av, um Landsverk skal hava 1,6 mio. kr. frá høvuðsráðgevanum, tá Tekniski skúli í Klaksvík varð útbygdur.

Sambært landsroknskapinum kostaði skúlin 36,6 mió.kr. Men landið hevur goldið 38,2 mió.kr. fyri útbyggingina.

Slakar 37,2 mió.kr. eru játtaðar í fíggjarlógum og eykajáttanarlóg.

Munurin millum 36,6 og 38,2 mió. kr. stendst av, at Landsverk í 2016 sendi høvuðsráðgevanum ein faktura, 1,6 mió.kr., har Landsverk vísti á, at feilir hjá ráðgevanum gjørdu, at aðrar arbeiðstøkur vórðu vorðnar dýrari. 

Trætan um tær 1,6 milliónirnar er nú latin gerðarrætti.