Fleiri fráboðanir um harðskap av rúsdrekka

Rúsdrekka er í fleiri førum enn í fjør atvoldin til, at kvinnur hava vent sær til Kvinnuhúsið í ár.

Í 2019 var rúsdrekka mett av vera orsøk til 67 av teimum tilsamans 432 áheitanunum, sum Kvinnuhúsið fekk.

Higartil í ár verður rúsdrekka mett av vera orsøkin til 141 av tilsamans 488 áheitanum.

Stóri munurin sæst í áheitanum, sum snúgva seg um sálarligan harðskap, fíggjarligan harðskap og materiellan harðskap. 

Sálarligur harðskapur

425 av av teimum 488 áheitanunum, sum hava verið higartil í ár, hava snúð seg um sálarligan harðskap. Í fjør var hetta talið 356.

Fíggjarligur harðskapur snýr seg um vantandi ávirkan á fíggjarlig viðurskifti.

Eisini materiellur harðskapur er vaksin nógv í ár. Hetta er, tá ymist materielt verður brotið í harðskapi.

170 fráboðanir hava verið um likamligan harðskap í ár. Í fjør vóru 207 fráboðanir um likamligan harðskap.