Ein tilburður staðfestur í gjár

Ein smittutilburður av koronu varð staðfestur í gjár.

Tað vísa nýggjastu tølini hjá Landslæknanum. 

Talan er um ein persón, sum er smittaður í Føroyum, og sum er partur av einari smittuketu, ið Landslæknin veit um.

Viðkomandi er avbyrgdur, og Landslæknin er farin undir smittusporingina.

Tilsamans hava 429 fólk fingið staðfest smittuna í Føroyum. 412 eru staðfest frísk aftur, og sostatt eru 17 fólk smittað í løtuni.

Eingin er innlagdur fyri koronu.

Nú eru 112.530 koronukanningar gjørdar í Føroyum.