30 milliónir smittað av koronu

Nú eru 30 milliónir fólk smittað av koronu, vísir ein uppgerð hjá Johns Hopkins universitetinum.

Londini, sum eru meinast, rakt eru USA, India og Brasil, men títtleikin av virusinum er eisini nógv vaksin í Evropa.

Í gjár upplýsti evropeiski stjórin í WHO, talið av tilburðum er tvífaldað í fleiri evropeiskum londum seinastu tvær vikurnar.

Meir enn 940.000 fólk eru deyð av koronu, síðani smittan byrjaði í Kina í desember í fjør, skrivar danska kringvarpið.

268.000 smittað í Týsklandi

Í Týsklandi er koronusmittan av álvara farin at gera um seg aftur, og nú eru líka nógvir tilburðir sum í apríl.

Seinasta samdøgrið eru umleið 2.000 fólk smittað aftrat í Týsklandi, og tað er tað mesta síðani í apríl, tá 2.500 fólk vórðu smittað í eitt samdøgur.

Nú eru tilsamans 268.000 fólk smittað í Týsklandi, skrivar The Guardian, sum vísir til Robert Koch-stovnin.