Semingsstovnurin er boðsendur

Felagið Føroyskir Sjúkrarøktarfrøðingar og Lønardeildin í Fíggjarmálaráðnum hava nú boðsent semingsstovninum.

Sáttmálin millum partarnar fór úr gildi 1. oktober í fjør.

Nógvir samráðingarfundir hava verið um ein nýggjan sáttmála, men í dag staðfestu partarnir, at teir koma ikki á mál, og bæði felagið hjá sjúkrarøktarfrøðingunum og Lønardeildin eru tí samd um at senda boð eftir semingsstovnin, sigur felagið Føroyskir Sjúkrarøktarfrøðingar.

Í tíðindunum klokkan 16 verður samrøða við Terja Sigurðsson, semingsmann.