Ætla at flyta í seinnu helvt av oktober

Næmingar og lærarar í Skúlanum á Fløtum í Havn noyðast at hava tol eina løtu enn, tí tað dregur út at fáa skúlan lidnan.

Miðað varð eftir, at skúlin skuldi verða liðugur um mánaðarskiftið september-oktober, men tann tíðarætlanin heldur ikki.

Flutt verður ikki, fyrr enn alt arbeiðið er liðugt, og tað verður ikki fyrr enn í seinnu helvt í oktober, sigur Sigurð Ólason Vang, leiðari á Mentanardeildini hjá Tórshavnar kommunu, í dag.

Í løtuni húsast Skúlin á Fløtum í seks hølum ymsastaðni í Havn.