Byggja íbúðir á Eiði

Smápartafelagið Búð hevur skrivað undir sáttmála við Eiðis kommunu um at keypa lendi til íbúðarbygging á Eiði.

Ætlanin er at byggja 6-8 íbúðir á Kolshjøllum, sum er gamla kampingøkið, og tær skulu verða klárar at taka í nýtslu í 2022.

Smáparrtafelagið Búð eigur verkætlanina, men møguleiki er fyri, at verkætlanin verður gjørd í samstarvi við Bústaðir, sigur Eiðis kommuna.

Kommunan bað um uppskot um íbúðarbygging á Eiði. Tá freistin fór 25. juni, vóru tvey tilboð komin.

Bygdarráðið tók einmælt undir við at gera sáttmála við smápartafelagið Búð, og skrivað varð undir sáttmálan hóskvøldið.