Danmark og Svøríki eiga nú størri part av SAS

Danski og svenski staturin eiga nú hvør síni 20 prosent í skandinaviska flogfelagnum SAS.

Tað varð avgjørt á eykaaðalfundi í SAS í dag, har ein bjargingarætlan varð endaliga samtykt.

Bjargingarætlanin ber í sær, at danski staturin setur 4,3 milliardir krónur í SAS, og ognarparturin fer úr 14 upp í 20 prosent. 

Tað sama ger svenski ognarparturin.

ES hevur eisini góðkent endurfíggingina av SAS, tí tvey lond, sum eru limir í ES, eiga flogfelagið.