- Tíðindi, mentan og ítróttur
Kvinnuhúsið fær pening úr trimum grunnum
Kvinnuhúsið fær pening úr trimum grunnum
Felags fyri grunnarnar er, at bara renturnar kunnu lutast út til “værdige trængende kvinder”
![](https://kvf.fo/sites/default/files/styles/grein-ovasta-mynd/public/kvinnuhusid_ann-britt_fridheim_mortensen-10.jpg?itok=sx5XEvkC)
Ætlanin er at lata tær 350.000 kr. til byggigrunninum hjá Kvinnuhúsinum í Havn
Mynd: Bjarni Árting Rubeksen
23.09.2020 - 11:14
Kvinnuhúsið fær ætlandi 350.000 kr. úr trimum grunnum, sum skulu takast av.
Tað ætlar Tórshavnar kommuna, og býráðið skal viðgera málið í annaðkvøld. Talan er um grunnfæið í trimum óvirknum grunnum
Ætlanin er at lata tær 350.000 kr. til byggigrunninum hjá Kvinnuhúsinum í Havn.
Grunnarnir, sum skulu takast av, eru Konsul Johannes Hansen og hustru Betsy Eling Adelaide Hansens legat, Else Bergithe Petersens legat og Det Restorffske legat.
Felags fyri grunnarnar er, at bara renturnar kunnu lutast út til “værdige trængende kvinder”.
Nú ongar rentur eru, er heldur eingin útluting.
Tórshavnar kommuna fer at søkja landsstýrið um loyvi til at taka teir tríggjar grunnarnar av.
Nýggjastu sendingar í ÚV
Nýggjastu sendingar í SV