Koronukanningar á Glasi útsettar

bannari
24.09.2020 - 08:49
AktueltHeilsa
Koronukanningar á Glasi útsettar
Higartil hevur landslæknin staðfest tveir tilburður av koronu á miðnámsskúlanum í Marknagili
Glasir er ikki smittukeldan til hinar tilburðirnar, sum eru staðfestir seinastu dagarnar, sigur landslæknin
Mynd: Bjarni Árting Rubeksen  
 

Koronukanningarnar, sum skuldu vera á Glasi í dag, eru fyribils útsettar til í morgin.

Tað hevur Glasir boðað næmingunum frá.

Øll starvsfólk og næmingar á Glasi vórðu kannað fyri koronu sunnudagin og mánadagin, og higartil hevur landslæknin staðfest tveir tilburðir av koronu á Glasi.

Smittan ikki breitt seg

Hetta metir landslæknin greitt benda á, at smittan hevur ikki breitt seg nógv á Glasi, og Glasir er tískil ikki smittukelda til hinar tilburðirnar, sum eru staðfestir í samfelagnum seinastu dagarnar.

Í gjár vórðu tey kannað, sum í fyrsta umfari vórðu raðfest í sambandi við smittusporingina.

Landslæknin hevur mælt Glasi til, at hann fær úrslitini av teimum kanningunum, áðrenn endalig støða verður tikin til, um hini á Glasi skulu kannast eina ferð aftrat.

Kanningarnar útsettar

Tí verða kanningarnar, sum skuldu vera í dag, í fyrstu atløgu útsettar til í morgin.

Tá landslæknin hevur mett um kanningarúrslitið, verður støða tikin til um hini skulu kannast ella ikki, boðar leiðslan á Glasi frá.

 
Nýggjastu sendingar í ÚV
Fríggjadag 23. oktober
Nón 23. oktober 2020
115225
Fríggjadag 23. oktober
Pressan: Stríðið um almenna rúmið
115206
Fríggjadag 23. oktober
Morgunlesturin fríggjamorgunin 23. oktober 2020
114915
Hósdag 22. oktober
RagnarRokk 22.oktober 2020
115131
Hósdag 22. oktober
Breddin
115177
Nýggjastu sendingar í SV
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073
Týsdag 20. oktober
Atlantshavið 1:3 - Lívsstreymur
115072
Týsdag 20. oktober
Úr savninum: Við veðrum í vestaru skor
115071