Kostar 876 mió. kr. at reka Tórshavnar kommunu

Í uppskotinum um fíggjarætlan fyri 2021, sum varð lagt fram á býráðsfundinum í gjárkvøldið, er inntøkan mett at verða ein milliard og 88 milliónir krónur, 24 milliónir, 2,2 prosent, meira enn í ár.

Skattaprosentið í Tórshavnar kommunu verður tað sama næsta ár sum í ár, tað er 19.

Og barnafrádrátturin verður sum í ár, 8.000 kr.

Raksturin 876 mió. kr.

Tað fer at kosta 876 mió. kr. at reka Tórshavnar kommunu næsta ár. Og 156 milliónir eru settar av til íløgur. Tá er Tórshavnar havn ikki við.

Fíggjarætlanin hevur fyrru viðgerðina 29.oktober, sum er seinasti regluligi býráðsfundur fyri kommunuvalið.

Seinna viðgerðin verður 26.november.