Semingsroyndin er byrjað

Semingsstovnurin er farin undir semingsroyndina millum felagið Føroyskir Sjúkrarøktarfrøðingar og Lønardeildina hjá Fíggjarmálaráðnum.

Semingsstovnurin varð boðsendur fyri góðari viku síðani, tí Fíggjarmálaráðið og felagið hjá sjúkrarøktarfrøðingunum kundu ikki semjast um nýggjan sáttmála.

Í farnu viku høvdu semingsmenninir fund við partarnar hvør sær, og fyrrapartin klokkan 10 hittust partarnir so á Hotel Føroyum. 

Terje Sigurðsson, semingsmaður, sigur, at enn er ov tíðliga at siga nakað um semingsroyndina, men fríggjadagin upplýsti hann, at langt er millum partarnar.