Landsbókasavnið fyrireikar ljóðbókaportal

Landsbókasavnið fyrireikar ein ljóðbókaportal, har føroyskar ljóðbøkur og e-bøkur verða atkomuligar á netinum. 

Arbeiðið er komið væl ávegis, men enn vantar nakað í, millum annað skulu avtalur gerast við upphavsrættindahavarar og við veitaran, sum skal koma við tøkniliga pallinum.

Tað sigur Jenis av Rana, landsstýrismaður, í svari til Beintu Løwe, løgtingskvinnu, sum setti landsstýrismanninum fyrispurning um undirvísingartilfar til orðblind.

Jenis av Rana sigur, at nakað føroyskt tilfar er teldutøkt, millum annað allar ljóðbøkur hjá Námi.

Í skúlanum kann teldutalan vera hent hjá orðblindum í sambandi við til dømis at skriva stíl og skriva niður, ella notera, sigur Jenis av Rana.