Nýggj farleið til Vestmanna komin á fíggjarlógina

01.10.2020 - 10:45
AktueltPolitikkur
Nýggj farleið til Vestmanna komin á fíggjarlógina
Hetta er annars beint ímóti samferðsluætlanini hjá Landsverki, sum mælir til at gera Gøtudalstunnilin
Landsverk heldur, at tað er ikki neyðugt at broyta farleiðina til Vestmanna. Nú er peningur settur av á fíggjarlógini
 

Farleiðin til Vestmanna er komin í fíggjarlógaruppskotið, sum varð lagt fram í gjár.

Fimm milliónir eru settar av í 2022 og 15 millionir í 2023.

Hetta er beint ímóti samferðsluætlanini hjá Landsverki.

Í henni verður mælt til at gera Gøtudalstunnilin frá 2022 til 2025. Hesin tunnilin er als ikki nevndur í fíggjarlógaruppskotinum.

Men í búskaparfrágreiðingini, sum varð løgd fram saman við fíggjarlógaruppskotinum, standa 15 mió. kr. í 2026, 80 milliónir í 2027, 120 í 2028, 120 í 2029 og 50 mió. kr. í 2030.

Óneyðugt at broyta farleiðina

Sambært samferðsluætlanini verður ikki mett at vera neyðugt at broyta farleiðina til Vestmanna við verandi ferðslu og framkomuleika.

Men annars eru, sambært Landsverki, tríggir møguleikar, berghol úr Kvívík, berghol frá Leynavatni og brúgv úr Oyrargjógv.

Landsverk heldur, at Gøtudalstunnilin er neyðugur, nú Eysturoyartunnilin kemur.

Í samferðsluætlanini stendur farleiðin til Vestmanna ikki á skránni fyrr enn í 2030.

Sigurd L. Lamhauge, stjóri í Landsverki, sigur tað sama, sum stendur í samferðsluætlanini, at Gøtudalstunnilin eigur at verða raðfestur fram um tunnil til Vestmanna.

Er kopiera
Nýggjastu sendingar í ÚV
Mánadag 17. januar
Morgunlestur mánadagur 17.januar 2022
133929
Sunnudag 16. januar
Credo: Eitt barnaheim í Bangladesh.
134065
Leygardag 15. januar
Brunsj við Reiley
134080
Nýggjastu sendingar í SV
Sunnudag 16. januar
3-2
134104
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088
Sunnudag 16. januar
Andakt við Christiani Gabrielsen
134087
Sunnudag 16. januar
Hondbóltur: Italia - Føroyar
134086