Korona breiðir seg nú aftur í Svøríki

bannari
02.10.2020 - 15:18
AktueltHeilsa
Korona breiðir seg nú aftur í Svøríki
Seinasta samdøgrið eru 752 tilburðir skrásettir
Svøríki eru næstan 94.000 fólk smittað av korona, og umleið 6.000 fólk eru deyð av sjúkuni
 

Koronasmittan ger nú aftur av álvara um seg í Svøríki, og seinasta samdøgrið eru 752 nýggir tilburðir skrásettir, skrivar Ritzau.

Tað er tað mesta síðani í juni.

Síðani í juli eru staðfestir millum 100 og 300 tilburðir um dagin, og sagt hevur verið, at svensku myndugleikarnir gjørdu tað rætta frá byrjan, og at smittan var um at hvørva. Men seinastu tíðina er smittan vaksin aftur.

Smittuserfrøðingurin, Anders Tegnell, sigur, at nú breiðir smittan seg í familjum, og tí heitir hann á familjulimir um at halda seg heima í eina viku, um tey hava smittuna í familjuni.

Ger um seg í høvuðsstaðnum

Myndugleikarnir upplýsa, at tað er serliga í høvuðstaðnum, Stokkhólmi, og har á leið, at smittan ger um seg, og at tað serliga eru fólk millum 20 og 60 ár, sum breiða smittuna.

Hóast smittutrýstið veksur, so fáa fólk viðgerð í heilsuverkinum, um tað er neyðugt, upplýsa myndugleikarnir.

Í Svøríki eru næstan 94.000 fólk smittað av korona, og umleið 6.000 fólk eru deyð av sjúkuni.

 
Nýggjastu sendingar í ÚV
Mánadag 26. oktober
Morgunlestur mánadagur 26.oktober 2020
115141
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073