Gera rundkoyringina við Sjógv lidna

Nú verður farið undir at gera rundkoyringina við Sjógv, ið skal binda økið í Eysturoyartunnilin, lidna.

Asfalt skal leggjast á sjálva rundkoyringina og eisini á vegirnar til rundkoyringina, skrivar Sjóvar kommuna.

Arbeiðið at gera økið á Strondum klárt til at binda í Eysturoyartunnilin, verður væntandi liðugt seinni í vikuni.

Ljóskurvar eru settar upp, og tunga ferðslan sleppur ikki at koyra ígjøgnum økið fyrr enn eftir klokkan 22 um kvøldið, sigur kommunan.