Ólavur Jøkladal nýggjur formaður

Ólavur Jøkladal er nýggjur formaður í Leiklistaráðnum. 

Jenis av Rana, landsstýrismaður í uttanríkis- og mentamálum, hevur valt nýtt Leiklistaráð fyri næstu trý árini.

Landsstýrismaðurin hevur tilnevnt Ólav Jøkladal og Birnu Heinesen.

Hinir limirnir í Leiklistaráðnum Durita Dahl Andreassen, sum er vald er tilmæli frá Leikarafelagnum, Búi Dam, eftir tilmæli frá Listafólkasambandinum, Hilmar Joensen, eftir tilmæli frá MáF, Barbara Hentze í Stórustovu, starvsfólkaumboð fyri Tjóðpallin, og Jóan Petur Hentze, sum er valdur eftir tilmæli frá Tórshavnar býráð.

Drúgvar royndir

Nýggi formaðurin í Leiklistaráðnum, Ólavur Jøkladal, er cand.mag í tónleikavísindum og norðurlendskum máli. Hann hevur drúgvar royndir sum kórleiðari og tónaskald, og hann er eisini fíggjar- og roknskaparkønur.

Birna Heinesen, cand. mag. í dramaturgi, hevur sitið eitt skeið frammanundan í ráðnum, tilnevnd av Listafólkasambandinum. Jóan Petur Hentze er eisini afturvaldur. 

Allir hinir ráðslimirnir eru nývaldir. 

Leiklistaráðið er stýri fyri Tjóðpall Føroya. Ráðið setir stjóran, og hevur aðrar yvirskipaðar uppgávur í sambandi við yrkisleiklist og leiklist sum heild.