34 fólk í Hvítu húsunum eru smittað

08.10.2020 - 09:17
AktueltÚtheimurin
34 fólk í Hvítu húsunum eru smittað
ABC News skrivar, at umsitingin hjá forsetanum hevur roynt at dylja smittutølini
34 fólk í Hvítu húsunum eru smittað av koronu, og tað eru fleiri, enn almenningurin hevur fingið at vita
 

Talið á fólki í Hvítu húsunum, sum hava fingið staðfest COVID-19, er nú komið upp á 34.

Tað kemur fram í einum innanhýsis skjali, skrivar amerikanska sjónvarpsstøðin, ABC News, sambært Jyllands Posten.

Talið er størri enn tað, sum almenningurin higartil hevur fingið at vita, eftir at tað fríggjadagin kom fram, at amerikanski forsetin hevði fingið staðfest smittuna.

Roynt at dylja tølini

Umsitingin hjá Donald Trump, forseta, hevur tilvitað roynt at dylja smittutølini, nú minni enn fýra vikur eru til forsetavalið í USA, skrivar ABC News.

Millum tey smittaðu í umsitingini er Crede Bailey, ein av fremstu trygdarráðgevunum hjá amerikanska forsetanum, skrivar Bloomberg News.

Donald Trump fór aftur til arbeiðis í Hvítu húsunum fyrradagin, og hann hevur verið fyri atfinningum, tí hann ikki vildi brúka masku, tá hann kom aftur í Hvítu húsini.

Nú eru tilsamans 211.828 fólk í USA deyð av COVID-19 sambært Johns Hopkins University.

 
Nýggjastu sendingar í ÚV
Týsdag 24. november
Nón 23. november 2020
116704
Týsdag 24. november
Morgunlesturin týsmorgunin 24. november 2020
116529
Mánadag 23. november
Norðurljóð 23.november 2020
116649
Nýggjastu sendingar í SV
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617
Sunnudag 22. november
Guðstænasta úr Havnar kirkju
116616